Tech.al » Mobile

Nokia prezanton celularin 20 Dollarësh

Klajdi — Mon, 25 Feb 2013 16:29:36 +0000

Lajme nga Barcelona flasin për një prezantim të ri nga kompania Nokia për një celular me çmime shumë të leverdisshme. Bëhet fjalë për Nokia 105, një celular që pritet të kushtojë vetëm 15 Euro, ose $20.

Sipas Nokia-s, ky model i ri është një plan biznesi për të tërhequr nën vete blerësit që s’kanë pasur ndonjëherë celular. Ky është celulari më i lirë i ofruar nga kompania deri më sot. Edhe pse specifikat nuk janë më të mirat, n.q.s doni një celular vetëm për thirrje, dhe jo gjë tjetër.

Celulari ka një ekran me ngjyra të shndritura, radio FM, elektrik dore, si dhe shumë gjëra të nevojshme. Ajo që të tërheq më shumë rreth këtij celulari është bateria 35-ditore.

Nokia 105 pritet të dalë në Mars ose Prill në tregjet e Kinës, Egjiptit, Indisë, Indonezisë, Nigerisë, Rusisë, Vietnamit, si dhe tregje të tjera në Afrikë, Lindjen e Mesme, Azi, dhe Evropë. /Tech.Al/

Vizitoret kerkuan termat:

rritja e nokias finlandeze
celulare
Nokia
rritja e nokia\s finlandeze

Celulari i parë BlackBerry 10 vjen më 28 Shkurt

Klajdi — Mon, 14 Jan 2013 18:18:38 +0000

BlackBerry 10 nga kompania RIM pritet të dalë në treg në vetëm pak javë. Më përpara ju kemi lajmëruar që platforma BB10 pritet të dalë në Janar.

Pajisjet e para me BlackBerry 10 priten të dalin në Kanada së pari, dhe më vonë në SHBA, Evropë, etj.

Siç e shikoni edhe në foton e mësipërme, emri i pajisjes nuk është vendosur akoma, por pajisja do të shkojë në rrjetin e celularëve ‘Bell Canada’.

Çmimi i celularit pritet të jetë 799$ /Tech.Al/

Apple duke ndërtuar një iPhone më të lirë

Klajdi — Wed, 09 Jan 2013 19:40:06 +0000

Sipas raporteve të ndryshme, kompania Apple është duke ndërtuar një iPhone që kushton më pak se ai i tanishmi, dhe pritet që të dalë në treg këtë vit.

Thashethemet e këtij raporti i ka nisur Wall Street Journal. Sipas thashethemeve, ky iPhone më i lirë pritet të dalë në tregjet Kineze, si dhe në vënde të tjera ku iPhone-i i tanishëm nuk mund të përballohet dot.

Sipas burimeve të Wall Street Journal, iPhone i lirë do të jetë i ngjashëm me iPhone-it e tanishëm, por do të ndërtohet me materiale më të dobëta. Në vënd të aluminit, skeleti i smartfonit mund të përbëhet nga polikarbonate. Kurse pjesët e tjera si çipsat e grafikëve dhe procesorët mund të përbëhen nga pjesë që përdoreshin për iPhone-at e mëparshëm.

N.q.s thashethemet janë të vërteta, kjo do të jetë historike për Apple, pasi gjigandi ka evituar shumë herë ndërtimin e produkteve të lira, me pjesë të cilësisë së dobët. /Tech.Al/

Vizitoret kerkuan termat:

iphone 3 sa kushton
i phone ne shqiperi te lire
sa kushton iphone 1s
sa kushton ps 3 ne shqiperi
xp-media com loc:AL
duke ndertuar
iphone3 sa kushton
Iphone5
si ndertohet nje iphone

Pilotët e British Airways së shpejti me iPad-a

Klajdi — Tue, 18 Dec 2012 20:06:47 +0000

Tabletët po fillojnë të ‘dominojnë’ botën, duke e futur gjithkënd. Kompania Britanike e fluturimeve ‘British Airways’ ka njoftuar se të gjithë 3.600 pilotët e saj do të fillojnë të përdorin produktin e Apple-s, iPad.

Kjo vjen si pjesë e një investimi prej 8.1 miliardë $ nga kompania për të sjellë teknologjinë e fundit në aeroplanët e saj, si dhe në stafin tokësor. Pilotët do e përdorin pajisjen për të patur në duart e tyre të dhëna në kohë reale për informacionin e udhëtimeve, si dhe informacionet e udhëtarëve.

Edhe pse detajet e këtij ndryshimi kanë qënë në minimum nga ana e kompanisë British Airways, ata kanë shpjeguar se me anë të iPad-ave pilotët mund të komunikojnë më mirë me stafin tokësor para se të ulet aeroplani.

Duhet veçuar se edhe kompani të tjera si Emirates, American Airlines, Qatar Airways, dhe WestJet (kompani Kanadeze) kanë marrë të njëjtin hap. /Tech.Al/

Vizitoret kerkuan termat:

informacione per teknologjin
informacion per teknologjine e
informacion per teknologjine e se ardhmes
informacione per teknologjine moderne

Rekorde në Kinë, Apple shet mbi 2 miliona iPhone 5 në fundjavë

Klajdi — Mon, 17 Dec 2012 07:57:47 +0000

Të Premten, ashtu si në Shqipëri, Apple lëshoi në tregun Kinez një nga celularët më të mirë tani, iPhone 5. Edhe pse në fillim u përfol për një shitje të dobët atje, Apple sot ka njoftuar se shitjet në Kinë arritën më shumë se 2 milionë.

Shefi Ekzekutiv i Apple, Tim Cook, ka shpjeguar se kompania e tij ka vendosur një rekord të ri për veten e saj në Kinë.

Përgjigjia e klientëve Kinezë kundrejt iPhone 5 ka qënë e mahnitshme, duke vendosur një rekord të ri me numrin e shitjeve më të mëdha në Kinë në funjavën e parë. Kina është një treg shumë i rëndësishëm për ne dhe konsumatorët atje mezi presin të marrin një produkt të Apple.

Fakti i vendosjes së rekordit i jep një shtyrje të madhe kompanisë Apple pasi javët e fundit është përfolur për një rënie në treg të Apple-s. Pajisjet Android kanë ‘ngrënë’ tregun e smarfonave, me pothuajse 90 përqind, por rekordet e iPhone 5 tregojnë se Apple po ‘blindon’ Kinën.

iPhone 5 ka ardhur në Kinë nëpërmjet China Unicom, por Apple është në bisedime edhe me China Mobile, kompaninë më të madhe në Kinë me më shumë se 700 miliona klientë. /Tech.Al/

Vizitoret kerkuan termat:

iphone 4 per shitje
i phone 4 ne shitje
shiten celularet
iphone4 ne shitje
celular per shitje
iphone 4 kinez ne shitje
iphona per shitje
shitet iPhone 4
modelet e celulareve samsung
rekorde te kines

Mbërrijnë hartat e Google-s për iOS

Klajdi — Thu, 13 Dec 2012 06:00:35 +0000

Kompania Google ka nxjerrë më në fund aplikacionin e vet për harta në iOS, pasi Apple kishte marrë në dorë vetë hartat. Por shumë njerëz priten t’i kthehen hartave të Google, që edhe vetë Apple i përdorte para verzionit iOS 6. Megjithëse hartat e Apple ishin të reja, dhe jo të zhvilluara mirë, Apple morri dhe vazhdon të marrë kritika të ashpëra për këtë produkt.

(Shiko: Policia Australiane: “Mos përdorni hartat e Apple-s.“)

Verzioni i hartave për iOS është shumë i ngjashëm me atë të Android. Por ka edhe disa veçori në atë për iOS që nuk do t’i gjeni në atë të Android, si p.sh. navigimin kthesë-pas-kthese.

Nabi Jr, tableti për fëmijë

Klajdi — Wed, 05 Dec 2012 06:20:05 +0000

Fuhu, kompania që ka prodhuar tabletin për fëmijë Nabi 2(199$), ka lëshuar një tjetër tabletë për fëmijë, ‘Nabi Jr.’, që kushton vetëm 99$.

Nabi Jr është për fëmijët që nuk i nevojitet shpejtësia e procesorit Tegra 3 që ndodhet në Nabi 2. Nabi Jr fuqizohet nga Tegra 2. Kjo e fundit është gjithashtu më e vogël, dhe ka një ekran prej 5-inçësh (800×480), që do të thotë se është më e vogël se smarfoni Galaxy Note 2.

Në ngjashmëri me ‘vëllain’ më të madh Nabi 2, Nabi Jr ka si qëllim edukimin dhe argëtimin e fëmijëve të vegjël, me disa aplikacione të ndërtuara enkas për këtë audiencë.

Por Nabi Jr vjen edhe me disa aplikacione për prindërit. Një nga aplikacionet përfshin edhe monitorimin e kamerës së Nabi Jr nga smartfoni juaj, që ju lejon të monitoroni fëmijët tuaj nga larg.

Nabi Jr pritet të dalë në treg këtë muaj, në kohë për festat e fundvitit. Çmimi pritet të jetë 99$ për 4GB, dhe 129$ për 16GB. /k.h. – Tech.Al/

Vizitoret kerkuan termat:

tableta

iPhone 5 vjen në Shqipëri më 14 Dhjetor

Klajdi — Mon, 03 Dec 2012 17:53:31 +0000

Kompania Apple ka njoftuar të Hënën se celulari më i ‘nxehtë’ i saj iPhone 5, do të dalë në treg në Korenë e Jugut këtë të Premte, dhe do të arrijë në më shumë se 50 vënde të tjera deri në fund të muajit.

Në SHBA, iPhone 5 doli në treg më 21 Shtator, dhe është tani për tani në 47 vënde të tjera anembanë botës. Me shtimet e 50+ vëndeve të tjera do të mundësojë Apple të ketë iPhone 5-n në më shumë se 100 vënde para mbylljes së vitit.

Apple pritet të sjellë zyrtarisht iPhone-in edhe në Shqipëri, më 14 Dhjetor.

Ja dhe grafiku i daljes së iPhone-it.

Të Premte, 7 Dhjetor: Korea e Jugut

Të Premte, 14 Dhjetor: Shqipëri, Antigua, Barbuda, Armeni, Bahamas, Bahrein, Bolivi, Brazil, Kili, Kinë, Kosta Rika, Qipro, Ekuador, Grenada, Indonezi, Izrael, Xhamajka, Jordani, Kuvajt, Maqedoni, Malajzi, Moldovi, Mal të Zi, Panama, Paraguai, Filipinet, Katar, Rusi, Arabia Saudite, Afrika e Jugut, Tajvan, Turqi, Emiratet e Bashkuara Arabe dhe Venezuela.

Të Premte, 21 Dhjetor: Barbados, Bocuana, Kamerun, Republika Qëndrore Afrikane, Egjipti, Guinea, Bregu i Fildishtë, Kenja, Madagaskar, Mali, Mauritius, Maroko, Niger, Senegal, Shën Kits, Shën Lushia, Shën Vinsent & Ganadinet, Tunizi, Ugandë, dhe Vietnam.

Sipas burimeve, Shpresa-Al Computers e ka në shitje iPhone 5 në Shqipëri, por kjo do të thotë se nuk e shet zyrtarisht. /k.h – Tech.AL/

Vizitoret kerkuan termat:

iphone 4 shitje
@aesarabia com loc:AL
iphone 5 shpresa al
info dersa-sa com ar loc:AL
info gci-sa com ar loc:AL
info sim com loc:AL
info tam-se com ar loc:AL

Tregut të smartfonave i bashkangjitet edhe Philips

Klajdi — Wed, 21 Nov 2012 05:16:58 +0000

Kur vjen puna tek smartfonat Android, mendja shkon direkt tek Samsung, HTC, apo Motorola. Por kur vjen puna për pajisje të ndryshme shtëpiake, dikujt mund t’i shkojë mendja tek Philips. Por kjo nuk e ka ndaluar kompaninë Hollandeze për të ndërtuar smartfonin e saj.

Kohët e fundit Philips ka njoftuar për W832 Xenium, një smartfone Android dy-korësh që do të mbështesë dy SIM-karta. Por kompania nuk ka dhënë ndonjë detaj tjetër se ku apo kur do të lëshohet ky celular, por duke marrë parasysh specifikimet, nuk do të kushtojë shumë.

Për çfarë specifikime bëhet llafi? Për fillestarët, klientët e ardhshëm mund të presin një ekran HD 4,5-inçësh, me një çip dy-korësh 1GHz nga MTK. Pritet të ketë edhe veçori të tjera si një kamer 8 MegaPiksëll, 4GB memorje të brëndshme, WiFi, GPS, Bluetooth, dhe një vënd për një kartë microSD. Mund të jetë i fuqizuar nga Android 4.0 Ice Cream Sandwich.

Ky mund të mos jetë smartfoni më i sofistikuar që keni parë ndonjëherë, dhe mund të mos pretendojë të konkurojë iPhone 5 dhe Samsung Galaxy SIII, por do të jetë mjaft i mirë sa për të kryer punët e nevojshme, pa të zbrazur xhepat. /Tech.Al/

Emirates Airlines ‘tradhëton’ iPad-in për Windows 8

Klajdi — Wed, 21 Nov 2012 04:27:04 +0000

Emirates Airline tani për tani është një nga kompanitë ajrore më të mëdha në botë. Tashmë ata kanë vendosur të futen në aksionin e tabletave, duke ndaluar përdorimin e iPad-ave në bord, dhe duke i zëvëndësuar ato me tableta me Windows 8.

Qëllimet e Emirates Airline janë të shpërndajnë rreth 1.000 pajisje për ekipet e tyre në bord. Këto tableta do të përdorin një aplikacion të vetë kompanisë, të quajtur KIS (Knowledge Driven Inflight Service), e cila asiston stjuardesët për një shërbim më të mirë për udhëtarët, në mënyrë që Emirates të vazhdojë të shquhet për standardet e saj cilësore në shërbimet e udhëtimit.

Programi ‘KIS’ është përshkruar si një “zgjidhje e plotë për stjuardesët dhe menaxhimin e klientëve”. Ky shërbim i mundëson ekipit në bord për të aksesuar informacione të ndryshme të cilat lejojnë që ata të bëjnë eksperiencën e udhëtimit sa më të mirë dhe të rehatshme.

Këto tableta thuhet të jenë nga kompania HP, dhe do të jenë pikërisht tabletat ElitePad 900, që do të fuqizohen nga Windows 8 Enterprise. /Tech.Al/

Vizitoret kerkuan termat:

historia e kompjuteri HP